----UDAAN---

1->

Chhoti-chhoti chhitrayi yaadein

Bichhi hui hain lamhon ki lawn par

Nange pair unpar chalte-chalte

Itni door chale aaye

Ki ab bhool gaye hain ki

Joote kahan utaare the.

Aedi komal thi, jab aaye the.

Thodi si naazuk hai abhi bhi.

Aur nazuk hi rahegi

In khatti-meethi yaadon ki shararat

Jab tak inhe gudgudati rahe.

Sach, bhool gaye hain

Ki joote kahan utaare the.

Par lagta hai,

Ab unki zaroorat nahin.

2->

Pairon ki bediyan khaabon ko baandhein nahi re, kabhi nahi re

Mitti ki paraton ko nanhe se ankur bhi cheerein, dheere dheere

Iraade hare bhare jinke seenon mein ghar karein

woh dil ki sunein karein, na darein

Subha ki kirnon ko rokein jo salakhein hain kahan

jo khayalon pe pehre daalein woh aankhein hain kahan

Par khulne ki deri hai parinde ud ke choomenge

aasman, aasman, aasman

Aazadiyan, aazadiyan maange na kabhi

milein milein milein

Aazadiyan aazadiyan jo chheenein wohi

jee lein jee lein jee lein

Kahani khatm hai ya shuruaat hone ko hai

Subha nayi hai ye, ya phir raat hone ko hai

Aane wala waqt dega panahein

ya phir se milenge dorahe

Khabar kya, kya pata

3->

Nadi mein talab hai kahin jo agar

samandar kahan door hai

Damak ki garaz hai soney mein agar

toh jalna bhi manzoor hai

Ik udaan kab talak yun qaid rahegi

roko na chhod do isse

Ik udaan hi sapno ko zindagi degi

sapnon se jod do isse

Purani daleelon rasmon ko sabhi

abhi se kahein alvida

Badalte dinon ke tareekon se hi

seenchein hum naya gulsitan

Ik udaan kab talak yun qaid rahegi

roko na chhod do isse

Ik udaan hi sapno ko zindagi degi

sapnon se jod do isse

4->

Chadhti lehrein laang na paye

kyon haanpti si naav hai teri naav hai teri

Tinka tinka jod ke saansein

kyon naapti si naav hai teri naav hai teri

Ulti behti dhaar hai bairi dhaar hai bari

ki ab kuchh kar ja re panthi

Jigar juta ke paal baandh le

jo baat thehri jaan pe teri shan pe teri

Haiyya ho ki taan saadh le

Jo baat thehri jaan pr teri shan pe teri

Chal jeet jeet lehra ja, parcham tu lal phehra ja

Ab kar ja tu ya mar ja kar le taiyyari

Ud ja banke dhoop ka panchhi

chhuda ke gehri chhaon andheri chhaon andheri

Tinka tinka jod ke saansein

kyon naapti si naav hai teri naav hai teri

Rakh dega jhakjhor ke tujhe

toofanon ka ghor hai dera ghor hai dera

Bhanvar se dar jo haar maan le

kahe ka phir jor hai tera jor hai tera

Hai dil mein roshni tere tu cheer daal sab ghere

lehron ki gardan kas ke daal phande re

Ki dariya bole wah! re panthi

sar aankhon pe naav hai teri naav haiteri

Chadhti lehrein laang na paye

kyon haanpti si naav hai teri naav hai teri

Ulti behti dhaar hai bairi dhaar hai bari

ki ab kuchh kar ja re panthi